Алыскы аймактардагы мектептерге дагы 50 автобус берилет
“Евразия” автономиялык коммерциялык эмес уюму Кыргызстанга дагы 50 мектеп автобусун белекке берди. Бул тууралуу Билим берүү жана илим министрлигинен кабарлашты.
Келишимдин алкагында «Евразия» коммерциялык эмес уюму быйыл 11-сентябрда 50 автобус берген.
Сентябрдын башында «Евразия» уюму жана Кыргызстандын Министрлер кабинети кызматташуу боюнча келишимге кол коюшкан.
Билим берүү жана илим министрлиги автобустар алыскы райондордогу мектептерге берилерин билдирди.