Биринчи таймдын Жыйынтыгы: Ак шумкарлар алдыда!

Кыргызстан – Катар (1:0) биринчи тайм кыскача түрдө

Бул оюн Кыргызстан үчүн өтө маанилүү болчу, анткени стыковый матчтарга чыгуу мүмкүнчүлүгүн сактап калуу керек эле. Ошондуктан Максим Лисицанын жигиттери оюн башталгандан тартып эле чабуулга өтүп, атаандаштарды кысымга ала баштады. Команданын жеңишке болгон каалоосу күчтүү болуп, стадиондогу күйөрмандар да чоң дем-күч берип жатты. Бүтүндөй арена титиреп, оюнчуларды алга сүрөп турду.

Кыргызстан оюнду толугу менен көзөмөлдөп, топту көпкө кармап, биринчи номер менен ойной баштады. Ал эми Катар – Азиянын учурдагы чемпиону – оюнга такыр эле кире албай, алгачкы точный соккусун 34-мүнөттө гана жасады. Бул алардын пассивдүү экенин айкын көрсөтүп турду.

Биринчи таймдын соңуна жакындап калганда, кыргызстандыктар гол киргизүү үчүн бардык күчүн жумшап жатты. Күйөрмандар да гол талап кыла баштады – мындай күчтүү оюндан кийин эсеп ачылбаса, өтө өкүнүчтүү болмок. Жана, акыры мүнөттөрдө, мүмкүнчүлүк жаралды! Кошумча берилген мүнөттөрдө Кыргызстан оң капталдан стандарт абалынан сокку иштеп чыкты. Бул акыркы шанс болчу! Топ берилиш жасалды, капитан Валерий Кичин жогорку чеберчилик менен топту дарбазага багыттады! ГООООЛ! Стадион дүркүрөдү, күйөрмандар кубанычка бөлөндү! Ушул голдон кийин дароо биринчи тайм аяктады.

Эми эң негизги суроо – Катар мындай уяттуу абалдан кийин кандай жооп кайтарат? Кыргызстан экинчи таймда бул эсепти сактап кала алабы? Оюндун интригасы күчөп барат!