“КЫРГЫЗФИЛЬМ” УЛУТТУК КИНОСТУДИЯСЫ СЦЕНАРИЙЛЕР КОНКУРСУН ЖАРЫЯЛАЙТ

Кыргызфильм Кыргыз Республикасынын Президентинин №159 Жарлыгына жана тармактык ченемдик актыларга ылайык 2026–2027-жылдардагы тематикалык планды түзүү максатында кыска жана толук метраждуу көркөм, ошондой эле илимий-популярдуу даректүү фильмдер үчүн сценарийлердин ачык конкурсун жарыялайт.

Конкурс төмөнкү артыкчылыктуу багыттар боюнча өткөрүлөт:
– дебюттук фильмдер;
– арт-хаус (автордук) фильмдер;
– тарыхый фильмдер;
– ко-продукциялык (биргелешкен) долбоорлор.

Конкурска Кыргыз Республикасында катталган юридикалык жактар (продакшн-студиялар, чыгармачыл бирикмелер ж.б.) катыша алышат. Кароого кыргыз тилинде, талапка ылайык “американка” форматында жазылган сценарийлер гана кабыл алынат.

Сценарийлер 10 критерий боюнча бааланат: идеянын оригиналдуулугу, сюжеттик түзүлүшү, каармандардын өнүгүүсү, көркөм деңгээли, тил нормаларын сактоо жана автордук өзгөчөлүк ж.б.

Конкурстун мөөнөтү: 24-февраль 2026-жылдан 17-июль 2026-жылга чейин (саат 18:00гө чейин).

Документтерди кабыл алуу дареги:
Бишкек шаары, Д.Асанова көч., 1,
2-кабат, редакция бөлүмү.

kyrgyzfilmredakcia@gmail.com
Байланыш номер: +996 500 160 153

Сценарийлер кагаз түрүндө (2 нуска) жана электрондук форматта кабыл алынат.

Улуттук кино өнөрүн өнүктүрүүгө багытталган чыгармачыл идеяларды күтөбүз!