Түндө Бишкектеги курулуш базарында ири өрт чыкты

Бүгүн, 14-апрелге караган түнү Бишкектеги «КөкСай» курулуш
базарында ири өрт чыкты. Бул тууралуу Өзгөчө кырдаалдар министрлиги кабарлады.
Маалыматка ылайык, 14-апрель саат 00:00дө Эски толчоктогу «КөкСай» курулуш базарында өрт чыккандыгы тууралуу маалымат
түшкөн. Өрттү өчүрүүгө жалпы 6 күжүрмөн эсеп жана Бишкек
мэриясынан 4 суу ташуучу унаа тартылган. Өрт саат 01:33тө
чектөөгө алынган.
Өрттүн жалпы аянты болжол менен 350 чарчы метрди түзгөн.
Жеринде ӨКМдин Бишкек шаардык башкармалыгынын башчысы
жетектеген ыкчам топ иш алып барууда.