Тротуарда болбойт. Скутер, мопед айдагандар эми айдоочулук күбөлүк алышы керек
Скутер, мопед жана «желмаян» айдагандар эми айдоочулук күбөлүк алышы керек. Бул тууралуу ЖКККББнын бөлүм башчысы Нурлан Ниязбеков билдирди.
Эми кыймылдаткычы 25 куб сантиметрден ашкан, бензин менен жүрүүчү мопеддерди жана кубаттуулугу төрт киловаттан жогору болгон электр скутерлерин айдоо үчүн А1 категориясындагы күбөлүк алуу зарыл. Мурда мындай талап мопеддерге 50 куб сантиметрден жогору, ал эми электроскутерлерге 11 кВт болчу.
Ошондой эле аларга тротуарда жүрүүгө тыюу салынат. Эрежени бузса 5500 сом айып салынат. Эреже бузгандарды сүрөт, видеого тартып 0777 102 102 номерине жөнөтсөңүз болот.
Get real time updates directly on you device, subscribe now.