УКМК: Талас медициналык колледжде жасалма жумушка орношуу боюнча кылмыш иши козголду

Маалыматта айтылгандай, Улуттук коопсуздук боюнча мамлекеттик комитети өзүнүн кадимки тергөө иштеринин алкагында мамлекеттик мекемеде жасалма жумушка орношуу боюнча ишти аныктады.

2012-жылдан 2026-жылдын мартына чейин  Талас шаарынын тургуну П.Э.Т. Талас медициналык колледжине жумушка алынган. Бирок, П.Э.Т. расмий түрдө кызматка дайындалганына карабастан, жумушка орношкон учурдан тартып өзүнүн эмгек милдеттерин аткарган эмес. Андан тышкары, көрсөтүлгөн мезгилде ага жасалма жумуш убактысынын таблицаларынын негизинде үзгүлтүксүз акы төлөнүп турган.

Бул иш боюнча КРнын Кылмыш-жаза кодексинин 210-беренеси (Ишенип берилген мүлктү уурдоо же коротуу) боюнча кылмыш иши козголду. КРнын Финансы министрлигинин Ички аудит кызматы тарабынан жүргүзүлгөн аудиттин жыйынтыгы боюнча, мамлекеттин кызыкчылыктарына келтирилген алдын ала зыян 1 492 335 сомду түзгөн деп аныкталган.

Учурда иштин бардык жагдайларын аныктоого багытталган тиешелүү тергөө жана ыкчам иш-чаралар уланууда.