Жогорку Кеңешке шайлоого бюджеттен 592 миллион 531 миң сом сарпталат
Жогорку Кеңешке шайлоого бюджеттен 592 миллион 531 миң сом сарпталат. Бул тууралуу Борбордук шайлоо комиссиясы маалымдайт.
Каражат шайлоо тилкелеринде иштеген кызматкерлердин айлыгы, байланыш кызматтарына, транспортко, канцелярдык товарларды сатып алууга жана чет өлкөдө добушканаларды ачууга жумшалат.
2020-жылдын 4-октябрда парламентке шайлоо өтүп, анын жыйынтыгы кийин жокко чыгарылды. 28-ноябрда парламенттин VII чакырылышына экинчи жолу шайлоо болот. Бул жолу тандоо Конституциянын жаңы редакциясына ылайык бир мандаттуу жана партиялык тизме менен өткөрүлөт.