Акылбек Жапаров: кийинки жылы аз акча алгандардын гана айлыгы көтөрүлөт

Кийинки жылы эң төмөн айлык алган мамлекеттик кызматкерлердин гана айлыгы көтөрүлөт.

Бул тууралуу Акылбек Жапаров депутат Айбек Алтынбековдун суроосуна жооп берип жатып билдирди. Эл өкүлү «2024-2025-жылы бюджеттик кызматкерлердин айлыгы көбөйөбү» деген суроо узаткан.

“Көбөйбөйт, биз жакшы эле көбөйттүк. Азыр колунда жокторго жиберебиз. Эң аз алып жаткандарды көтөрүш керек, муну Садыр Нургожоевич принцип катары мага айтты. 7 миң сом алып жаткан мамлекеттик кызматкер болсо, анысын көтөргүлө деди. Бирок 70 миң алып жатканды кичине кое турсун деди. Эң төмөн айлык алып жаткандардын баарын карап чыгабыз”, — деди өкмөт башчы.