Кыргызстанда жасалма интеллектинин этикалык эрежелерин бекитүү сунушталууда

Жасалма интеллектинин иши жана анын жараткан натыйжалары үчүн бул чөйрөнүн катышуучулары өздөрү жоопкерчилик тартат. Алгоритмдердин өз алдынча бүтүм чыгарышы, эсептөө өзгөчөлүктөрү же жаңылыштыктары жоопкерчиликтен бошотпойт;

ЖИ технологияларын адамдын кызыкчылыгында жана анын чечимди өз алдынча кабыл алуу укугун сактоо менен гана колдонууга уруксат берилет. Алгоритмдер аркылуу колдонуучулардын жүрүм-турумун манипуляциялоого тыюу салынат;

Кыргыз тилинин нормаларын тутумдуу түрдө бурмалаган алгоритмдерди колдонууга жол берилбейт. Ошондой эле мамлекеттик тилде толук кандуу интерфейс болушу керек;

Тарыхый инсандардын жана мамлекеттик ишмерлердин беделине, ар-намысына жана ишкердик аброюна шек келтирген жалган маалыматтарды камтыган контентти жаратууга тыюу салынат. Бул үчүн атайын чектөөлөр жана фильтрлер киргизилиши зарыл;

Жарандарга алар боттор менен баарлашып жатканын алдын ала маалымдоо, ошондой эле ЖИ жараткан бардык контентти милдеттүү түрдө белгилөө талап кылынат.