Маркум Чубак Жалиловго «Кыргыз Эл баатыры» наамы ыйгарылды

Диний ишмер жана агартуучу Чубак ажы Жалиловго көзү өткөндөн кийин «Кыргыз Республикасынын Эл Баатыры» эң жогорку артыкчылык даражасы ыйгарылды.

Сыйлыкты бүгүн, 14-сентябрда президент Садыр Жапаров уулу Абдулла Жалиловго тапшырды.

Белгилүү дин аалымы Чубак Жалилов 45 жашында 2020-жылдын июль айында коронавирустан каза болгон. Ал 2010-2012-жылдары Кыргызстан мусулмандар дин башкармалыгын жетектеген.