11-июлга карата аба ырайы

Ишембиде Чүй, Ош, Жалал-Абад, Ысык-Көл облустарынын тоо этектеринде жана тоолуу райондорунда, Баткен, Нарын региондорунун айрым жерлеринде өткүн өтүп, күн күркүрөйт. Бул тууралуу Кыргыз гидрометеорология кызматы маалымдады.

Батыштан соккон шамалдын ылдамдыгы секундасына айрым жерлерде 15-20 метрге жетет.

Абанын температурасы Чүй, Ош, Жалал-Абад, Баткен облустарында +33…+38, Таласта +30…+35, Ысык-Көлдө +24…+29, Нарын регионунда +23…+28 градус ысыйт.

Термометр Бишкекте +35…+37, Ошто +36…+38, ал эми Чолпон-Атада +24…+26 градусту көрсөтөт.