Кыргызстандык мушкерлер эл аралык мелдеште үч медал алды

Кыргызстандын бокс боюнча курама командасынын мушкерлери Испанияда өткөн Boxam эл аралык мелдешинде үч медал (1 алтын, 1 күмүш, 1 коло) алды.

Ла-Нусия шаарында өткөн бокс мелдешинде 60 килограммга чейинки салмакта Мунарбек Сейитбек уулу алтын медалга ээ болду. Кыргызстандык мушкер жалпы төрт беттеш өткөрдү. Алгач швейцариялык, чейрек финалда индиялык, жарым финалда шотландиялык жана финалда Мали өлкөсүнөн келген спортчуну утуп, чемпион аталды.