Кыргызстан менен Тажикстандын тышкы иштер министрлери сүйлөштү
Чолпон-Ата шаарында КР ТИМ башчысы Жээнбек Кулубаев менен Тажикстандын тышкы иштер министри Сирожиддин Мухриддиндин жолугушуусу болуп өттү. Бул тууралуу ТИМдин басма сөз кызматы билдирди.
Жолугушуу 24-июлда ШКУга мүчө мамлекеттердин Тышкы иштер министрлер кеңешинин жыйынынын алкагында өттү.
Кыргызстандын жана Тажикстандын министрлери жолугушууда кызматташуунун актуалдуу маселелерин талкуулашты. Кыргыз-тажик өкмөттөр аралык кеңешинин биринчи жыйынынын чечимдерин ишке ашыруу, кыргыз-тажик чек арасын демаркациялоо маселелери, ошондой эле консулдук, суу чарба жана маданий-гуманитардык чөйрөлөрдөгү кызматташуу сүйлөшүлдү.
Министрлер аймактык жана эл аралык күн тартибиндеги актуалдуу маселелер, коопсуздук маселелери жана БУУ, ШКУ, КМШ жана ЖККУнун алкагында өз ара аракеттенүү боюнча пикир алмашты.
Get real time updates directly on you device, subscribe now.