Кыргызстанда төрөттүн жалпы көрсөткүчү төмөндөдү

2025-жылы Кыргызстанда төрөттүн жалпы коэффициенти 1000 тургунга карата 19,1 наристени түздү. Мындай маалыматты Улуттук статистика комитети жарыялады.

Бул көрсөткүч 2021-жылга салыштырмалуу 12,9%га төмөндөдү, ал кезде 1000 калкка 21,9 наристе туура келген.

2025-жылы төрөттүн эң жогорку деңгээли Баткен облусунда катталды — 1000 тургунга карата 23,4 наристе. Андан кийин 22,1 көрсөткүчү менен Ош облусу, 21,7 көрсөткүчү менен Жалал-Абад облусу жана 20,8 жаңы төрөлгөн наристе менен Нарын облусу турат.