Кыргызстандык таэквондочулар Сеулдан 64 медаль менен кайтышты

Кыргызстандын курама командасы 14-августтан 16-августка чейин Сеул шаарында өткөн таэквондо ITF боюнча Дүйнө чемпионатында өзгөчө жогорку натыйжаларды көрсөттү. Кыргыз Республикасынын Таэквондо ITF федерациясы маалымдагандай, мекендештерибиз жеке күрөштөрдө 64 медаль жана командалык дисциплиналарда үч байгелүү орунду багындырышты. Улуттук кураманын курамына 37 спортчу кирип, алар жеке жана командалык спаррингдерде, ошондой эле туль жана атайын техника боюнча күч сынашты. Чемпионат Түштүк Кореянын борборундагы Бүткүл дүйнөлүк таэквондо борбору — «Куккивондун» (Kukkiwon) башкы аренасында өттү.

Улуттук кураманын негизги жетишкендиктеринин бири — эркектер курамасынын командалык спаррингде биринчи орунду ээлеши болду. Алар финалда Аргентина курамасын ишенимдүү түрдө жеңип алышты.

Аялдар курамасы да эң сонун жыйынтык көрсөтүп, командалык спаррингде күмүш медаль утту. Эркектер арасындагы улан-кыздар курамасы бул ийгиликти кайталап, дал ушул дисциплинада экинчи орунду ээледи.

Командалык жыйынтыктар:

• 1-орун — эркектер арасындагы чоңдор курамасы (командалык спарринг);

• 2-орун — аялдар арасындагы чоңдор курамасы (командалык спарринг);

• 2-орун — эркектер арасындагы улан-кыздар  курамасы (командалык спарринг).

Жеке күрөштөрдө кыргызстандыктар жалпысынан 64 медаль багындырышты.

Жеке жетишкендиктер:

• 24 алтын медаль;

• 15 күмүш медаль;

• 25 коло медаль.

Айрым спортчулар пьедесталдын эң жогорку тепкичине эки ирет көтөрүлүштү. Алардын арасында Артур Ким, Елена Андреева, Даная Бозобакова, Радамир Михайлов жана Далер Туташев бар.

Алтын медаль ээлери:

Артур Ким (2), Елена Андреева (2), Даная Бозобакова (2), Радамир Михайлов (2), Далер Туташев (2), Даниил Цой, София Хегай, Умар Айдарбеков, Альяс Бурханов, Тимур Вяльшин, Мадина Сагалиева, Рахат Сагынбекова, Гүлбарчын Нурсултанова, Эльдияр Касимов, Аймээрим Мамадразакова, Руслан Ткачук, Аймэр Жумабаева, Алихан Маликов, Жоодар Атабаев.

Күмүш медаль ээлери:

Ильяз Акматов, Айбийке Бейшенбекова, Арууке Михайлова, Айкөл Кастаева, Эмир Бурханов, Руслан Ткачук, Аймэр Жумабаева, Алияр Азизбаев, Фаризат Казбекова, Алихан Маликов, Хадижа Токтобекова, Салия Турганалиева, Жоодар Атабаев, Батырхан Юсупов, Елена Андреева.

Коло медаль ээлери:

Нурсултан Чыныбеков менен Эмир Абиров экиден коло медаль багындырышты. Алардан сырткары башка байге ээлери: Альяс Бурханов, Тимур Вяльшин, Ильяз Акматов, Айбийке Бейшенбекова, Нурсултан Манапов, Мадина Сагалиева, Арууке Михайлова, Радамир Михайлов, Гүлбарчын Нурсултанова, Тимофей Хитров, Эмир Бурханов, Аймээрим Мамадразакова, Руслан Ткачук, Касиет Исабекова, Фаризат Казбекова, Алихан Маликов, Хадижа Токтобекова, Салима Турганалиева, Сафия Турганалиева, Салия Турганалиева жана Батырхан Юсупов.

Жетекчилик жана машыктыруучулар курамы:

Кыргыз Республикасынын Таэквондо ITF федерациясынын президенти — Эдуард Владимирович Хегай (VIII дан).

Федерациянын вице-президенти — Чыңгыз Ташкенбаевич Акылбеков.

Машыктыруучулар курамына Эмир Абиров, Радамир Михайлов, Руслан Ткачук, Арууке Михайлова жана Елена Андреева киришти. Алар мелдеште жогорку натыйжаларды көрсөтүп, Кыргызстан курамасына медалдарды алып келишти.