UFC чемпиону Валентина Шевченко Кыргызстанга келди
UFC чемпиону Валентина Шевченко бүгүн Бишкекке келди. “Манас” эл аралык аэропортунан аны WEF федерациясынын өкүлдөрү жана күйөрмандары тосуп алышты.
Эртең, 22-ноябрда спортчу күйөрмандары менен жолугуп, маалымат жыйынын өткөрөт. Ал 2019-жылдан бери мекенине келе элек.
Сентябрдын аягында кыргызстандык Валентина Шевченко Лас-Вегаста өткөн Ultimate Fighting Championship (UFC) 266 турниринде америкалык Лорен Мерфини жеңип алган. Спортчу UFC чемпиону титулун алтынчы жолу коргоду (56,7 килограммга чейин).